जनकपुरधाम । तरकारी खेतीमा माटो जाँच तथा बाली रोग व्यवस्थापन सम्बन्धी पाँच दिने स्थानीय श्रोत व्यक्ति विकास तालिम धनुषाको नक्टाझिजमा शुरु भएको छ ।
नेपाल एग्रो लाइभको प्राविधिक सहयोगमा ग्रामीण उद्यम तथा विप्रेशण आयोजना (समृद्धि) इटहरीले आयोजना गरेको तालिममा तरकारी बाली उत्पादन र यसको बजार व्यवस्थापन लगायतमा
जेटीए, एग्रोभेटलाई काम गर्ने अवसर प्रदान गर्नको लागि यस प्रकारको तालिमको व्यवस्थापन गरिएको आयोजक संस्थाले जनाएको छ । रोजगारी नपाएको जेटीए, एग्रोभेट सम्बन्धी ज्ञान भएका व्यक्तिहरुलाई तालिम उपलब्ध गराएर सक्रिय बनाउन खोजिएको कृषि प्रविधि विज्ञ राजन गैरेले बताए ।
सोमबारदेखि सुरु भएको तालिममा व्यवसायिक रुपमा तरकारी खेति गरिरहेका किसानहरुको लागि प्राविधिक सहयोग गर्दा उत्पादनमा वृद्धि हुने विश्वास नेपाल एग्रो लाइभ प्रा.लि. का कार्यकारी प्रमुख समेत रहेका विज्ञ गैरेले बताए ।
जेटीए, एग्रोभेटको प्राविधिक क्षमतालाई अधिकतम उपयोग गर्नको लागि उनीहरुलाई तालिमको व्यवस्थापन गरिएको उनको भनाई थियो । तालिमपछि उहाँहरु प्राविधिक रुपमा थप सशक्त भएर अघि बढ्ने विश्वास उनले व्यक्त गरे ।
तालिममा सहभागीहरुलाई तालिममा व्यवसायिक तरकारी खेती गर्ने तरिका, रोग नियन्त्रणको उपाय लगायतका विषयमा प्रशिक्षण दिईने प्रशिक्षकको भूमिकामा रहेका नार्क कृषि विज्ञ विशाल भुषालले बताए ।
कृषि पेशालाई सम्मानित पेशाका रुपमा विकास गर्न प्राविधिकहरुको भूमिका महत्वपूर्ण भएको उनले बताए ।
उनीहरुको सिकाई उपलब्धीले तराई मधेशको कृषि क्षेत्रमा सकारात्मक प्रभाव पर्ने समृद्धि आयोजनाको तरकारी आपूर्ती श्रृंखला अधिकृत श्यामसुन्दर साहले बताए ।
फागुन १९ गते सम्म चल्ने तालिममा ओखलढुंगा, खोटाङ, मोरंग, सुनसरी, उदयपुर, भोजपुर, सिरहा, धनुषा, महोत्तरी, सर्लाही, रौतहट, धनकुटा र तेह्थुमका २५ जनाको सहभागीता रहेको छ ।
नेपाल सरकारको उद्योग वाणिज्य तथा आपूर्ती विप्रेशन आयोजना(समृद्धि) अन्तर्गत प्राविधिकहरुलाई माटो जाँच तथा बाली रोग सम्बन्धी तालिमको व्यवस्थापन गरिएको छ ।
