जनकपुरधाम । नेपाल–भारत खुला सीमा संवाद समूह र क्लोथ बैंक नेपालले सोमबार जनकपुरधामको हनुमानगढीमा परिक्रमा यात्रीको लागि हेल्प डेस्क स्थापना गरेको छ ।
संवाद समूह र क्लोथ बैंक नेपालले संयुक्त आयोजनामा १५ दिवसीय मिथिला मध्यमा परिक्रमाको पहिलो दिन सोमबार हनुमानगढी जनकपुरधाममा हेल्प डेस्क स्थापना गरेको हो ।
साधुसन्त तथा श्रद्धालु भक्तजनलाई ध्यानमा राखेर क्लोथ बैंक नेपालका कार्यालय सचिब कृष्ण कुमार साहको अध्यक्षतामा हेल्प डेस्क स्थापना गरिएको छ ।
हेल्प डेस्कमा प्राथमिक उपचारसहित चिया र पानीको ब्यबस्था समेत गरिएको छ ।
राति विश्राम गर्नको लागि ओढ्ने र ओछ्याउन लत्ताकपडा अभाव भएको साधुसन्तहरुकालागि कम्बल र झुल समेत बितरण गरिएको संस्थाका सह सचिब रामजी रायले बताए । हेल्प डेस्कमा जिल्ला समन्वय समितिको सभापति राजनन्दन मण्डल, जनकपुरधाम उपमहानगरपालिकाका उपमेयर किशोरी साह, तमलोपाकी नेत्री बिभा ठाकुर, क्लोथ बैंकको कोषाध्यक्ष रुबी झा, सचिब मनिष श्रीओम, नेपाल तरुण दलका नेता राकेश बिक्रम साह, धनेश्वर ठाकुर, पारस ठाकुर, सुनिल कुमार गुप्ताको सहभागीतामा संचालन गरिएको थियो ।
