एसले विश्वासको मत दिने, कांग्रेसले आज निर्णय गर्ने

जनकपुरधाम । नवनियुक्त मुख्यमन्त्री सरोज कुमार यादवलाई नेकपा एकीकृत समाजवादी पार्टीले विश्वासको मत दिने भएको छ ।

गठबन्धन बाहिर रहेको एकीकृत समाजवादीले मुख्यमन्त्रीलाई विश्वासको मत दिने निर्णय गरेको हो । मधेश प्रदेशमा एकीकृत समाजवादी पार्टीको सात जना सांसद छन् । जनता समाजवादी पार्टी(जसपा) नेतृत्वमा गठन भएको प्रदेश सरकारलाई भने एकीकृत समाजवादी पार्टीले समर्थन गरेको छैन् । मधेश प्रदेशमा केन्द्र जस्तै एकीकृत समाजवादी पार्टी विपक्षमा बसेर पनि मुख्यमन्त्रीलाई विश्वासको मत दिने भएको छ । नवनियुक्त मुख्यमन्त्री यादवले मंगलबार(आज) विश्वासको मत लिदै छन् । मुख्यमन्त्रीलाई विश्वासको मत दिने एकीकृत समाजवादी पार्टी संसदीय दलका नेता गोविन्द बहादुर न्यौपानेले बताए । एकीकृत समाजवादीले सभामुखमा पनि सत्ता गठबन्धनको साझा उम्मेदवारलाई नै समर्थन गर्ने सम्भावना बढेको छ । प्रमुख प्रतिपक्षी दल नेपाली कांग्रेसले सभामुखमा उम्मेदवारी दिदा एकीकृत समाजवादीको तर्पmबाट समर्थक वा प्रस्तावक भएको थिएन् । कांग्रेसले उपसभामुखमा उम्मेदवारी दिन एकीकृत समाजवादीलाई भनेपनि सकारात्मक रुपमा लिएको थिएन् । एकीकृत समाजवादीले सभामुखमा पनि आपूmहरुलाई समर्थन गर्ने सम्भावना कम रहेको नेपाली कांग्रेसका एक जना सांसदले बताए ।

यता, नेपाली कांग्रेस भने मुख्यमन्त्री यादवलाई विश्वासको मत दिने अथवा नदिनेबारे मंगलबार नै निर्णय गर्ने भएको छ । मुख्यमन्त्रीलाई विश्वासको मत र सभामुखमा आप्mनो उम्मेदवारको पक्षमा महोल बनाउन मंगलबार बिहान संसदीय दलको बैठक डाकिएको छ । कांगे्रस संसदीय दलको कार्यालयमा बिहान ११ बजेदेखि बैठक बस्ने भएको छ । बैठकले मुख्यमन्त्रीलाई विश्वासको मत दिने अथवा नदिने बारे निर्णय गर्ने कांगे्रस संसदीय दलका नेता कृष्णा यादवले बताए । यादवका अनुसार मुख्यमन्त्रीलाई विश्वासको मत दिने अथवा नदिने बारे परिस्थिति हेरेर निर्णय लिइने छ । सभामुखमा आपूmहरुले पनि समर्थनको अपेक्षा राखेको छौ, उनले भने–सभामुखमा समर्थन गरेमा आपूmहरुले पनि विश्वासको मत दिने हो । यस्तो परिस्थिति नआएमा बैठकले गरेको निर्णय अनुसार अघि बढ्ने संसदीय दलका नेता यादवले बताए । राजनीतिमा सबै सम्भव रहेकोले सभामुख आपूmहरुको नहुने अहिले नै भन्न नसकिने उनले थपे । यद्यपी, नेपाली कांग्रेसले पनि नवनियुक्त मुख्यमन्त्री यादवलाई विश्वासको मत दिने सम्भावना छ । केन्द्रमा कांग्रेसले प्रचण्डलाई विश्वासको मत दिएर राजनीति सिनारियो फेर्ने प्रयत्न गरेको छ, एक जना सांसदले भने– मधेशमा पनि कांग्रेसले वैकल्पिक गठबन्धनको विकल्प खुला राख्नको लागि विश्वासको मत दिनुपर्छ । मुख्यमन्त्रीलाई विश्वासको मत दिएर कांगे्रसले विकल्प खुला राख्न चाहेकोले भोली(मंगलबार) मुख्यमन्त्रीलाई विश्वासको मत दिन सकारात्मक रहेको छ । नेपाली कांग्रेसको मधेश प्रदेशमा २२ जना सांसद रहेको छ ।

मधेस प्रदेशसभाको सोमबार बस्ने भनिएको बैठक स्थगित भएको थियो । यससँगैप्रदेशको लागि सभामुख चयनको लागि हुने भनिएको निर्वाचन पनि एक दिनको लागि सरेको छ ।

आइतबार बिहान पोखरामा भएको यति एयरलाइन्सको विमान दुर्घटनाको शोकमा सोमबारको बैठक स्थगित गरिएको थियो । बैठक स्थगित भएसँगै प्रदेशसभाका सभामुखको चुनाव र मुख्यमन्त्री सरोज यादवले लिने विश्वासको मत लगायतको कार्यसूची मंगलबार सरेको छ । उनका अनुसार बैठक र निर्वाचन लगायतका कार्यसूची मंगलबार दिउँसो १ बजेका लागि सारिएको हो ।

राष्ट्रिय शोकका कारण प्रदेशसभाको सोमबार तोकिएको दोश्रोे बैठक स्थगित गरिएको छ ।

पोखरामा आइतबार विहान भएको यती एयरलाइन्सको विमान दुर्घटनाको शोकका कारण बैठक स्थगित गरिएको हो । काठमाडौँदेखि पोखराका लागि ६८ जना यात्रु र चार जना चालक दलका सदस्यसहित उडेको यति एयरलायन्सको एटिआर–७२ को विमान पोखराको नयाँ गाउँस्थित सेती नदीको खोँचमा परी दुर्घटना भएको थियो ।

दुर्घटनापछि सरकारले राष्ट्रिय शोक घोषणा गर्दै सोमबार बिदा दिएसँगै प्रदेशसभाले सोमबार बस्ने भनेको बैठक स्थगित गरेको हो । विमान दुर्घटनामा परेर ठूलो जनधनको क्षति भएको यस घटनाले मुलुक नै शोकमा डुबेकोले प्रदेशभसाको बैठक स्थगित गरिएको छ ।

दुई तिहाई बढी मत पाउने

नवनियुक्त मुख्यमन्त्री सरोज कुमार यादवले मंगलबार(आज) विश्वासको मत लिदै छन् । उनले प्रदेशसभाको दुई तिहाई मत प्राप्त गर्ने भएका छन् । नेपाली कांग्रेस बाहेक अन्य दलहरुले मुख्यमन्त्री यादवलाई विश्वासको मत दिने भएको छ । सत्ता गठबन्धनमा आवद्ध दल बाहेक नेकपा एकीकृत समाजवादी पार्टीले पनि विश्वासको मत दिने भएको छ । नेपाली कांग्रेस भने विश्वासको मत दिने अथवा नदिने बारे मंगलबार बिहान मात्रै निर्णय गर्ने भएको छ । तर, कांग्रेस सांसदहरुका अनुसार मुख्यमन्त्रीलाई विश्वासको मत दिने सम्भावना बढी छ । नेकपा एमालेको २४, जसपा–१६, जनमत पार्टी–१३, नेकपा माओवादी र एकीकृत समाजवादी–७÷७, लोकतान्त्रिक समाजवादी पार्टी–९, राप्रपा र संघीय समाजवादी पार्टी १÷१ तथा दुई जना स्वतन्त्र सांसदले मुख्यमन्त्री यादवलाई विश्वासको मत दिने भएको छ । १ सय ७ सदस्य रहेको प्रदेशसभामा एक जना स्वतन्त्र सांसद अनिर्णित छन् भने माओवादीका दुई जना सांसदले पद तथा गोपनीयताको शपथ ग्रहण नगरेकाले प्रदेशसभाको बैठकमा भाग लिन पाएका छैनन् ।