जनकपुरधाम । नवनियुक्त मुख्यमन्त्री सरोज कुमार यादवले प्रदेशलाई भ्रष्टाचारमुक्त बनाउने घोषणा गरेका छन् । मुख्यमन्त्री यादवले शुक्रबार पदभार ग्रहण गर्दै भ्रष्टाचार न्युनिकरण गरेर अघि बढ्ने बताए । भ्रष्टाचारले बदनाम प्रदेशलाई समृद्ध प्रदेश बनाउन हरसम्भव प्रयास गरिने उनले बताए ।
प्रदेशलाई पेपरलेस बनाउने पहिलो निर्णय गरेका हुन् । मुख्यमन्त्री तथा मन्त्रिपरिषद्को कार्यालयमा पदभार ग्रहण गर्दै यादवले प्रदेश मातहतका सबै कार्यालयहरुमा गुनासो पेटिका राख्नको लागि निर्देशन दिएका हुन् ।
उनले अन्य दललाई सरकारमा सहभागी गराउन प्रयास गरिने बताए । नेपाली कांग्रेस र नेकपा एकीकृत समाजवादी पार्टीले जसपा नेतृत्वको सरकारलाई समर्थन गरेको छैन् ।
आप्mनो नेतृत्वमा सर्वसहमतीको सरकार बनाउन प्रयास गर्ने उनले बतौ । लोसपाले समर्थन गरिसक्यो, कांग्रेस र नेकपा एसलाई पनि समर्थन गर्न आग्रह गरेको छु उनले भने, ‘एक साता भित्र बिश्वासको मत साथै मन्त्रालयको टुङ्गो र सर्वसहमतीको सरकारका लागि प्रयास गर्नेछु ।’ पत्रकारले सही र सफा तरिकाले लेखेको भ्रष्टाचारको समाचारमा दोषि देखिएका उपर कारवाही गर्ने उनले बताए ।
यसअघि सपथ ग्रहण लगतै जनकपुरधामको शहिदद्वार पुगेर शहिदहरूको शालिकमा माल्यार्पण गरेका मुख्यमन्त्री यादव त्यसपछि मुख्यमन्त्री तथा मन्त्रीपरिषदको कार्यालय पुगेर पदभार ग्रहण पनि गरेका हुन् । पदभार ग्रहण गरेलगत्तै मुख्यमन्त्री यादवले प्रदेशलाई डिजिटल प्रदेश बनाउन मास्टर प्लान तयार पार्ने पहिलो निर्णयमा हस्ताक्षर समेत गरेका छन् ।
प्रदेशमा सेवालाई प्रभावकारी बनाउन विद्युतिय संजालसँग जोड्ने गरि इगवर्नेन्स मास्टर प्लान तयार पार्ने निर्णय गरिएको उनले बताए । पहिला काम गरेर मात्र बोल्ने मान्छे परेकाले आफु के गर्ने ? भन्ने कुरा हतारमा नबोल्ने बताएका छन् । उनले आफु अहिले नै यो गर्छु त्यो गर्छु भन्दा काम गरेर आफनो प्रगती विवरण प्रस्तुत गर्ने समेत बताए । उनलाई मुख्यमन्त्री कार्यालयका प्रमुख सचिव कृष्णबहादुर राउतले स्वागत गर्दै पदभार ग्रहण गराए ।
