मलगंवा । सर्लाहीको हरिपुर नगरपालिका–२, हात्तीसारमा रहेको जनकल्याण प्राथमिक विद्यालयमा अध्ययन गर्ने बालबालिकालाई बिहीबार ज्याकेट र जुत्ता वितरण गरिएको छ ।
गृह मन्त्रालय विपद् पूर्वतयारी तथा प्रतिकार्य शाखाले उपलब्ध गराएको १५० जोर जुत्ता र १५० थान ज्याकेट विद्यालयमा अध्ययनरत् विद्यार्थीलाई वितरण गरिएको हो । प्रमुख जिल्ला अधिकारी थानेश्वर गौतम, हरिपुरका नगरप्रमुख गोपाल पंजियार, उपप्रमुख निलमदेवी राय, प्रमुख प्रशासकीय अधिकृत दिवाकर भुजेल, हरिपुर २ का वडाध्यक्ष निलबिक्रम थापा, जिल्ला प्रहरी कार्यालयका डीएसपी विजय श्रेष्ठ, सशस्त्रका डीएसपी बलराम प्रसाईलगायत अन्य अधिकारी भएर बालबालिकालाई ज्याकेट र जुत्ता वितरण गरेका जिल्ला प्रशासनका कम्प्यूटर अपरेटर मुकेश यादवले जानकारी गराए ।
बढ्दो चिसोलाई मध्यनजर गरी जिल्ला प्रशासन कार्यालयले मन्त्रालयबाट प्राप्त जुत्ता र न्यानो कपडा यसरी विभिन्न विद्यालयमा पुगेर वितरण गरिरहेको छ ।
