जनकपुरधाम । धनुषाको कमला नगरपालिकाका शिक्षकहरुले तलब भत्ताको माग गर्दै सोमबारदेखि धर्नामा बसेका छन् । शिक्षकहरुले सोमबार बिहानदेखि नगरपालिका कार्यालय अगाडि धर्नामा बसेका हुन् । गएको साउनदेखि तलबभत्ता उपलब्ध गराउनुपर्ने, तलबभत्ता नियमित हुनुपर्ने लगायतको माग राखेर शिक्षकहरु धर्ना बसेका हुन् । मेयर र उपमेयर बीचको विवादका कारण कमला नगरपालिकामा पनि अहिलेसम्म नगरसभा हुन सकेको छैन् । जसका कारण शिक्षक लगायत कर्मचारीहरुले चाडपर्वमा पनि तलब भत्ता पाउन सकेन् । मेयर विशेश्वर यादव र उपमेयर शिलादेवी मण्डल बीचको टकरावले नगरसभा हुन सकेको छैन् । नगरसभाबाट पारित गरिएको बजेटउपर उपमेयर मण्डलले मुद्दा दिएको भन्दै मेयर यादवले शिक्षक, कर्मचारीको तलब खुवाउन नसकेको बताउँदै आएका छन् । यता, उपमेयर मण्डलले आपूmले कुनै मुद्दा नहालेको स्पष्ट पारेकी छन् । गएको बैशाख ३१ मा सम्पन्न स्थानीय तहको निर्वाचनमा कमला नगरपालिकाको मेयर र उपमेयरमा नेपाली कांग्रेसका उम्मेदवार विजयी भएको थियो । धनुषाको नगराइन नगरपालिकामा पनि मेयर र उपमेयर बीचको विवादले कर्मचारी तलब भत्ता नपाएपछि नगरपालिकाको कार्यालयमा तालाबन्दी गरेकोछ ।