लालबन्दी । सर्लाहीमा प्रतिनिधि सभा तथा प्रदेश सभा सदस्य निर्वाचनमा प्रत्यक्ष र समानुपातिकतर्फ गरी ५७ हजार भन्दा बढी मत बदर भएको छ ।
मङ्सिर ४ गते सम्पन्न निर्वाचनमा जिल्लाभर प्रत्यक्षतर्फ र समानुपातिकतर्फ गरी ५७ हजार ५७७ मत बदर भएको हो । प्रतिनिधि सभा सदस्यमा प्रत्यक्षतर्फ जिल्लाको चारवटा निर्वाचन क्षेत्रमा १५ हजार सात मत बदर भएको छ ।
क्षेत्र नम्वर १ मा ७५ हजार ४९३ मत खसेकोमध्ये चार हजार ११९, क्षेत्र नम्वर २ मा ७४ हजार ४१९ मत खसेकोमध्ये तीन हजार ९५०, क्षेत्र नम्वर ३ मा ८० हजार ५६५ मत खसेकोमध्ये तीन हजार ३६६ र क्षेत्र नम्वर ४ मा ७२ हजार ८५५ मत खसेकोमध्ये तीन हजार ५७२ मत बदर भएको जिल्ला निर्वाचन कार्यालय मलङ्गवाले जनाएको छ । प्रतिनिधि सभाको समानुपातिकतर्फ क्षेत्र नम्वर १ मा ७५ हजार ४१७ मत खसेकोमध्ये तीन हजार ५५४, क्षेत्र नम्वर २ मा ७४ हजार ३७६ मत खसेकोमध्ये तीन हजार ९७, क्षेत्र नम्वर ३ मा ८० हजार ९३२ मत खसेकोमध्ये तीन हजार ३९४ र क्षेत्र नम्वर ४ मा ७२ हजार ९३७ मत खसेकोमध्ये दुई हजार ५८९ मत बदर भएको छ ।
त्यस्तै, प्रदेश सभा सदस्यको प्रत्यक्षतर्फ क्षेत्र नम्वर १ (क) मा ३७ हजार ४३८ मत खसेकोमध्ये एक हजार ६६३, १ (ख) मा ३७ हजार ९७२ मत खसेकोमध्ये एक हजार २५४, क्षेत्र नम्वर २ (क) मा ३४ हजार ९१४ मत खसेकोमध्ये एक हजार ३९२ र २ (ख) मा ३९ हजार २०० मत खसेकोमध्ये एक हजार ४२३ मत बदर भएको सर्लाहीका जिल्ला निर्वाचन अधिकारी निर्मल पोख्रेलले जानकारी दिए ।
त्यसैगरी, क्षेत्र नम्वर ३ (क) मा ४४ हजार १६९ मत खसेकोमध्ये एक हजार ३९४, ३ (ख) मा ३६ हजार २१३ मत खसेकोमध्ये ९६१, क्षेत्र नम्वर ४ (क) मा ३८ हजार ८५७ मत खसेकोमध्ये एक हजार २९५ र ४ (ख) मा ३४ हजार ४५ मत खसेकोमध्ये एक हजार १३३ मत बदर भएको छ ।
त्यसैगरी, प्रदेश सभा सदस्य निर्वाचनको समानुपातिक तर्फ क्षेत्र नम्वर १ मा ७५ हजार १५७ मत खसेकोमध्ये पाँच हजार २६२, क्षेत्र नम्वर २ मा ७४ हजार ४१५ मत खसेकोमध्ये चार हजार ७१४, क्षेत्र नं. ३ मा ८० हजार ८६३ मत खसेकोमध्ये चार हजार ९०७ र क्षेत्र नम्वर ४ मा ७३ हजार २०७ मत खसेकोमध्ये चार हजार ५३८ मत बदर भएको जिल्ला निर्वाचन कार्यालयले जनाएको छ ।
यो पटक चारवटा मतपत रहेको र एउटा मतपत्रमा एउटा मात्रै चुनाव चिन्हमा मतदान गर्नुपर्ने भनी मतदातालाई जानकारी नहुँदा अधिकांश मतादाताले एउटै मतपत्रमा एक भन्दा बढी चुनाव चिन्हमा स्वस्तिक छाप लगाएको पाइएको छ ।
