डा. राउत र नेता निधिबीच भेटवार्ता
जनकपुरधाम । मधेश प्रदेशमा सरकार गठनबारे दलहरु बीच छलफल शुरु भएको छ । मधेश प्रदेशमा मंगलबार मात्रै प्रत्यक्षतर्पm प्रतिनिधिसभा र प्रदेशसभाका सबै क्षेत्रको अन्तिम मतपरिणाम सार्वजनिक भएको थियो । मधेश प्रदेशमा वाम लोकतान्त्रिक गठबन्धन र नेकपा एमाले–जसपा गठबन्धन मध्ये कसैले स्पष्ट बहुमत प्राप्त गर्न सकेको छैन् । जनमत पार्टीले प्रत्यक्षतर्पm ६ सिट जितेर मधेश प्रदेशमा किंगमेकरको भूमिकामा देखिएको छ । जनमतको समर्थन बिना कुनै गठबन्धनले सरकार बनाउन नसक्ने अवस्था देखिएको छ ।
जनमत पार्टीले प्रदेशमा समानुपातिकतर्पm जनता समाजवादी पार्टी र लोकतान्त्रिक समाजवादी पार्टी जस्ता स्थापित दलहरुलाई समेत पछाडि छाडेर तेश्रो स्थान प्राप्त गरेको छ । जनमतले प्राप्त गरेको मतको आधारमा समानुपातिकतर्पm कम्तीमा सात सिट पाउने करिब निश्चित छ । यस्तोमा प्रत्यक्षको ६ गरी जनमतको कुल सिट १३ हुनजान्छ । यस्तोमा जनमत पार्टीसित तालमेल गर्न दुवै गठबन्धनका नेताहरुले पहल थालेका छन् ।
नेकपा एमाले–जसपा गठबन्धनले जनमतसित मिलेर मधेश प्रदेशमा सरकार बनाउने बताइरहदा बुधबार जनमत पार्टीका अध्यक्ष डा.( सीके राउत नेपाली कांग्रेसका पूर्वउपसभापति विमलेन्द्र निधिसित भेटवार्ता गरेका छन् ।
काठमाण्डौको मध्यबानेश्वरस्थित निधि निवासमा बुधबार दिउँसो दुवै नेताबीच भेटवार्ता भएको हो ।
भेटवार्तामा कांग्रेसका पूर्वउपसभापति निधिले सत्ता गठबन्धनमा सहभागी हुन राउतलाई आग्रह गरेको श्रोतले बताए ।
अहिलेको गठबन्धनमा सामेल भएर संघ र प्रदेशमा सरकार गठनमा सहभागी हुन निधिले राउतलाई प्रस्ताव गरेको थिए ।
यो प्रस्तावमा जनमत पार्टीका अध्यक्ष राउतले आफू सकारात्मक भएको बताएको निधिको सचिवालयले जनाएको छ ।
‘उहाँले म सुरूदेखि नै शान्ति र लोकतन्त्रमा विश्वास गर्ने व्यक्ति हो । जनमत पार्टी नेपाली कांग्रेस र गठबन्धनसँग केन्द्र तथा प्रदेशमा सहकार्य गर्न तत्पर रहेको छ,’ राउतको भनाइ उद्धृत गर्दै निधिको सचिवालयले भन्यो ।
करिब एक घण्टासम्म चलेको भेटघाटका क्रममा निधिले निर्वाचनमा पहिलोपटक भाग लिएर निर्वाचित भएको र जनमत पार्टी राम्रो संख्यामा विजयी भएकोमा बधाइ दिएका थिए । जनमतले समर्थन गरे मात्रै वाम गठबन्धनले मधेश प्रदेशमा सरकार बनाउन सक्ने छ । प्रत्यक्षतर्पm नेकपा एमालेको १५ र समानुपातिकतर्पm ८ गरी २३ सिट प्राप्त गरी मधेश प्रदेशमा सबैभन्दा ठूलो दलको हैसियतमा पुग्ने निश्चित प्रायःछ । नेपाली कांग्रेसले प्रत्यक्षतर्पm १३ र समानुपातिकतर्पm सबैभन्दा बढी ९ गरी २२ सिटसहित प्रदेशको दोश्रो सबैभन्दा ठूलो दल बनेको हो । जनता समाजवादी पार्टीले प्रत्यक्षतर्पm ९ र समानुपातिकको ६ गरी १५ सिट प्राप्त गरेर तेश्रो दलको हैसियतमा रह्ने भएको छ । यसअघि २०७४ को चुनावमा जसपा पहिलो दलको हैसियतमा थियो । लोकतान्त्रिक समाजवादी पार्टी(लोसपा) ले ७ प्रत्यक्ष र समानुपातिकको दुई गरी ९, माओवादीले प्रत्यक्ष र समानुपातिकतर्पm ४÷४ सिट प्राप्त गर्ने भएको छ । एकीकृत समाजवादीले प्रत्यक्षतर्पm चार र समानुपातिकको तीन गरी सात सिट पाउने भएको छ । राष्ट्रिय प्रजान्त्र पार्टीले पनि यसपाली समानुपातिकतर्पm दुई सिट पाउने करिब पक्का छ । यसरी वाम गठबन्धनमा आवद्ध दलहरुको गरी ४६ सिट पुगेको हो । जुन बहुमतको अंकबाट ६ सिट कम हो । जनमतले समर्थन गरेमा गठबन्धनले सहजै बहुमतको लागि ५४ सिट सहजै प्राप्त गर्ने भएको छ । जनमतले समर्थन नगरेको खण्डमा स्वतन्त्रको ६ र साना दलले समानुपातिक तर्पm पाउन लागेको २ सिटको समर्थन वाम लोकतान्त्रिक गठबन्धनको समर्थन जुटाउनुपर्ने भएको छ । यता, एमाले–जसपा गठबन्धनले पनि ३८ सिट मात्र प्राप्त गरेकोले बहुमत जुटाउन जनमतबाहेक अन्य दलको पनि समर्थन जुटाउनुपर्ने भएको छ ।
