जनकपुरधाम । आसन्न आमचुनावमा उम्मेदवारी दिएका नेताहरुले चुनाव प्रचार प्रसारलाई तीव्र पारेका छन् । धनुषा जिल्लाको सदरमुकाम समेत रहेको मधेश प्रदेशका राजधानी जनकपुरधाम बजार क्षेत्र सम्मिलित निर्वाचन क्षेत्र नं. ३ (ख) मा स्वतन्त्र उम्मेदवारहरुले आप्mनो दावेदारी पेश गरेका छन् । प्रदेशसभा सदस्यको लागि स्वतन्त्रबाट उम्मेदवारी दिएका जनकपुर उद्योग वाणिज्य संघका उपाध्यक्ष हुन्– अम्भु प्रसाद साह । जनता समाजवादी पार्टी(जसपा) का धनुषा उपाध्यक्ष समेत रहेका साहलाई पार्टीले टिकट नदिदा उनी गएको असोज २३ गते स्वतन्त्रबाट उम्मेदवारी दिए । स्वतन्त्रबाट उम्मेदवारी दिएसँगै उनले आप्mनो अभियानलाई अघि बढाएका छन् । निर्वाचनको दुई साताभन्दा कम समय बाँकी रहँदा उम्मेदवार साहले प्रचार प्रसार अभियानलाई तीव्रता दिएका हुन् । उनी बिहान ६ बजेदेखि नै मतदातासित भेटघाटको सुरुवात गर्छन् । मर्निङवाकसँगै उनले मतदाता भेटघाटलाई अघि बढाउँदै आएका हुन् । बिहान ११ बजेसम्म मतदाता भेटघाट र घरदैलो कार्यक्रम गरेर फर्किने गरेका छन् । त्यसपछि पुनः उनी दिउँसो मतदाताको घरदैलोमा जाने गरेका छन् । कुनै दलको उम्मेदवार नरहेका साहका कार्यकर्ताले न कुनै ठूलो प्mलेक्स बोकेका हुन्छन्, न त झण्डा र तामझाम नै । कार्यकर्ताको हातमा चुनाव चिन्ह देखिन्छन् । थोरै समयमा जनकपुर बजारमा छुट्टै पहिचान बनाउन सफल भएका युवा व्यवसायी साहले फजुल खर्च गरेर चुनाव जितिदैन् भने तर्क गर्छन् । अहिलेको मतदाता सचेत रहेका छन्, उम्मेदवार साहले भने–उनीहरुले योग्य र सक्षम उम्मेदवारको आपैm चयन गर्नेछन् । ठूलो भोजभतेर, पर्चापम्पलेट, ब्यानर, प्mलेक्स लगाएर मत आउँदैन् । मतको लागि मतदाताको मन जित्नुपर्छ, उनी भन्छन्–मन जित्नको लागि मतदाताको विश्वास जित्नुपर्छ । विगतमा गरेको सामाजिक रुपान्तरणको कामकाजको मतदाताले मुल्यांकन गर्ने विश्वास उनको छ । हँसिलो अनुहार लिएर घरदैलो पुग्ने गरेका उम्मेदवार साहलाई मतदाताले पनि भावनात्मक स्वागत गर्दै आएका छन् । समाजसेवामा सक्रिय उनी आप्mनो लगानीको मुल्यांकन हुनेमा विश्वस्त देखिन्छन् । मतदाताको सकारात्मक प्रतिक्रियाबाट उत्साहित उम्मेदवार साहले जनकपुरधामको मतदाताप्रति विश्वस्त देखिन्छन् । जनकपुरधामको बजार र केही ग्रामीण सम्मिलित धनुषा–३(ख) मा सत्ता गठबन्धन, नेकपा एमाले–जसपा गठबन्धन बाहेक स्वतन्त्रबाट पनि उम्मेदवारहरु चुनावी मैदानमा छन् । व्यापार क्षेत्रमा सालिन स्वभावले चिनिने उम्मेदवार साहले मंसिर ४ गते आप्mनो विवेकको प्रयोग गरेर असल उम्मेदवारको पक्षमा मतदान गर्नेमा विश्वस्त छन् ।